ԱՄՆ Ալաբամա նահանգում տորնադոյից 5 մարդ է մահացել, հաղորդում է ТАСС-ը:

Հաղորդվում է, որ նահանգի ավելի քան 20 000 բնակիչ մնացել է առանց էլեկտրամատակարարման: 

Բիրմինգեմ նահանգի ամենախոշոր քաղաքում շուրջ 50 շինություն է փլուզվել:

Տեղական իշխանություններն ու էլեկտրաէներգիայի մատակարարմամբ զբաղվող ծառայությունները շարունակում են հասցված վնասի գնահատման աշխատանքները: Ավելի վաղ ԱՄՆ Օդերևութաբանական ազգային ծառայությունը նախազգուշացրել էր Ալաբամայում, Միսսիսիպիում և Թեննեսսիում սպասվող տորնադոյի վտանգավորության մասին: