ՏԵՍԱՆՅՈՒԹ. Քաղաքացին վնասել է մեքենան` ճանապարհի անբարեկարգ լինելու հետևանքով
Երթևեկության ընթացքում քաղաքացին վնասել է մեքենան` ճանապարհի անբարեկարգ լինելու հետևանքով: Քիչ առաջ auroranews-ը ահազանգ ստացավ քաղաքացուց, ով պատմեց, որ այսօր Բագրևանդ տանող ճանապարհահատվածում՝ ՊՆ-ից մի փոքր վերև, ճանապարհի անբարեկարգության հետևանքով վնասել է մեքենան:
«Վթարային իրավիճակ կտեղծվեր: Կողքի մեքենային չհարվածելու համար ստիպված չեմ փախցրել մեքենան և ընկել եմ փոսի մեջ՝ ինչի հետևանքով վնասվել է իմ մեքենան», -ասաց նա:
Ըստ լուսանկարների՝ կարելի է ենթադրել, որ ամբողջությամբ վնասված է մեքենայի անվադողը:
Մեզ դիմած քաղաքացին ասաց, որ դիմել է Երևանի քաղաքապետարան՝ մեքենայի վնասը փոխահատուցելու համար:
Ինչպես երևում է տեսանյութում ասֆալտապատ ճանապարհի վրա առաջացած են փոսեր, որոնց հետևանքով վարորդների համար ստեղծվում են երթևեկությունը խանգարող իրավիճակներ՝ ինչից էլ երբեմն հայտնվում են նման կացությունում և կրում նյութական կորուստներ: