Օրվա լրահոս

ԱԺ ԼՀԿ խմբակցության ղեկավար Էդմոն Մարուքյանը խորհրդարանում լրագրողների հետ ճեպազրույցում պատասխանեց ՏԿԵ նախարար Սուրեն Պապիկյանին։

 

«Պարոն Պապիկյանին խորհուրդ եմ տալիս 2017 թվականի ընտրությունների տվյալներն ուսումնասիրել, մի հատ տեսնել ինքն ինչքան ձայներ է հավաքել, ես ինչքան ձայն եմ հավաքել։ Հետո կորոշենք՝ ով է ում ստվերի տակ։ Ուզում եմ հիշեցնել, Քաղաքացիական պայմանագիր կուսակցության խորհուրդը փակ գաղտնի քվեարկությամբ ինձ ընտրել է Ելք դաշինքի առաջին համար։ Էդ ո՞վ ա ում ստվերում եղել, Նիկոլ Փաշինյանին էլ երրորդ համար»,- ասաց Մարուքյանը։

Նա հավելեց, որ 2018 թվականի ընտրությունների ժամանակ իրենց ելույթները եղել են հետևյալի մասին, որ եղել է հեղափոխություն, ակնհայտ է, որ քաղաքական մեծամասնությունը լինելու է «Իմ քայլը» դաշինքը։ «Ասել ենք՝ ժողովուրդ ջան, դուք պետք է որոշեք, թե ով է լինելու ընդդիմություն, որովհետև մենք գնում ենք որպես ընդդիմություն։ Հետևաբար, այդ շահարկումներն այն մարդիկ են անում, ովքեր ամբողջ կյանքում ստվեր են փնտրել, որ ստվերի տակ կանգնեն։ Ես մի առիթով ասել եմ՝ հիմա նախընտրական սրված վիճակ է ներսում։ Եվ նրանք պետք է ելույթներով ապացուցեն, որ արժանի են ցուցակում լավ համարներ ունենալու։ Հետևաբար, ով բարձր գոռա, ով վիրավորի օպոնենտին, ով հայհոյախառն ատելության քարոզչական ելույթներ ունենա, նրանք էլ որպես ամենավստահելիներ ավելի լավ տեղերում կհայտնվեն։ Այդ ֆոնի տակ դիտարկեք սա»,- նշեց նա։

Վերջին նորություններ