Օրվա լրահոս

Կուբանում կոշտ վայրէջք կատարած Մի-2 ուղղաթիռի օդաչուն զոհվել է: Այս մասին ТАСС-ին տեղեկացրել են ՌԴ արտակարգ իրավիճակների նախարարության մամուլի ծառայությունից:
 

«Կրասնոդար-Նովոռոսիյսկ մայրուղու 52-րդ կմ-ի մոտակայքում ուղղաթիռի կոշտ վայրէջքի հետևանքով զոհվել է օդաչուն՝ ծնված 1960 թվականին։ Արտակարգ իրավիճակների արձագանքման ծառայությունները տեղում են»,-հայտնել են նախարարության մամուլի ծառայությունից:

Արտակարգ իրավիճակների նախարարությունը հավելել է, որ ուղղաթիռի կոշտ վայրէջքը տեղի է ունեցել Իլսկի գյուղի մոտակայքում՝ դաշտերի ոռոգման ժամանակ:
 

«Կազմակերպվել է ստուգման անհրաժեշտ միջոցառումների շարք կատարվածի բոլոր հանգամանքներն ու պատճառները պարզելու համար», – ՏԱՍՍ-ին իրազեկել է Ռուսաստանի քննչական կոմիտեի տրանսպորտի մոսկովյան միջտարածաշրջանային քննչական վարչության ներկայացուցիչ Ելենա Մարկովսկայան:
 

Արտակարգ ծառայությունների նախնական տեղեկատվության համաձայն, վթարի պատճառ կարող էր  դառնալ տեխնիկական անսարքությունը:

Վերջին նորություններ