ՏԵՍԱՆՅՈՒԹ. Ոստիկանությունը` համակարգի աշխատակիցների մասնակցությամբ աղմկահարույց ծեծկռտուքի մասին
Ինչպես արդեն հայտնել ենք` այսօր «Դինամո» Հայաստանի մարզական հասարակական կազմակերպությանը կից՝ ոստիկանության Մարտական և ֆիզիկական պատրաստականության բաժնի առջև, 14:50-ի սահմանում ոստիկանների մասնակցությամբ ծեծկռտուք էր սկսվել:
Ըստ տեղեկությունների` տեսանյութում քաղաքացիական հագուստով երիտասարդները ևս ոստիկաններ էին, որոնք այդ պահին ծառայության մեջ չեն եղել:
Аuroranews-ը կապ հաստատեց Ոստիկանության ԶԼՄ-ների հետ կապի բաժնի պետ Զարզանդ Գաբրիելյանի հետ: Վերջինս նշեց, որ տեսանյութի հիման վրա նշանակվել է ծառայողական քննություն: Հարցին` քաղաքացիական հագուստով երիտասարդները ոստիկանության համակարգի աշխատակից են եղել, թե ոչ, Գաբրիելյան պատասխանեց` այդ ամենը պարզ կդառնա ծառայողական քննությունից հետո: