ՏԵՍԱՆՅՈՒԹ. Վրաստանում արտասահմանցիների ավտոմեքենան ընկել է ձորը
Վրաստանում երեք օտարերկրացու տեղափոխող մեքենան ընկել է ձորը՝ կողաշրջվելով 20 անգամ:
Ինչպես հայտնում է «ՌԻԱ Նովոստի»-ն՝ հղում անելով վրացական հեռուստաալիքին, միջադեպը տեղի է ունեցել Աջարիայի լեռնային շրջանում՝ Գոդերձի լեռնանցքում: Հեռուստաալիքի տվյալներով՝ երեքից մեկն անչափահաս է եղել: Վերջինս մահացել է:
Վրաստանի ՆԳՆ մամուլի ծառայությունից հայտնել են, որ կատարվածի առնչությամբ հետաքննություն է սկսվել վրացական Քրեական օրենսգրքի 276 հոդվածով, որն է «Տեղաշարժման անվտանգության և տրանսպորտի շահագործման կանոնների խախտում»:
Գերատեսչությունից չեն հայտնել, թե որ երկրի քաղաքացիներ են վթարի ենթարկվածները:
