«Այս իշխանությունը ապացուցեց, որ իրեն չի հետաքրքրում իր երկրում ապրող ազգային փոքրամասնությունների ճակատագիրը». Զեմֆիրա Միրզոևա
«Հայաստան» խմբակցության պատգամավոր, ասորական համայնքի ներկայացուցիչ Զեմֆիրա Միրզոևան գրել է.
«Այսօր Հայաստանի ներկայիս իշխանությունը Դիմիտրով ասորական գյուղի խոշորացման վերաբերյալ որոշում կայացնելով իր առաջին քայլը կատարեց Հայաստանը 100% մոնոէթնիկ պետություն դարձնելու համար։
Մենք այլեւս չենք կարող ասել, որ Հայաստանը միակ երկիրն է, որտեղ վտանգված չէ մեր ազգային ինքնությունը։ Սա մեծ հարված էր ասորական համայնքի համար։ Այս իշխանությունը ապացուցեց, որ իրեն չի հետաքրքրում իր երկրում ապրող ազգային փոքրամասնությունների ճակատագիրը»:
