Հայաստանում անհայտ անձինք կամրջից քարեր են նետել բեռնատար գնացքի վրա
Սեպտեմբերի 27-ին, ժամը 20:30-ին, Սպանդարյան-9-րդ կիլոմետր հատվածում անհայտ անձինք կամրջից քարեր են նետել այդ հատվածով անցնող բեռնատար գնացքի վրա: Սա երթուղու այս հատվածում անօրինական գործողությունների առաջին նման դեպքը չէ: Դեպքի մասին տեղյակ է պահվել Մասիս քաղաքի ոստիկանության տարածքային բաժնին:
«Հարավկովկասյան երկաթուղի» ընկերությունը քաղաքացիներին կոչ է անում պատասխանատվությամբ վերաբերվել երկաթուղային ենթակառուցվածքին եւ շարժակազմին, չառաջացնել վթարներ եւ պահպանել երկաթուղու անվտանգության կանոնները:
Ընկերությունը հիշեցնում է նաեւ գույքը վնասելու եւ երթեւեկության անվտանգությանը սպառնալիք ստեղծելու համար պատասխանատվության մասին: