Ֆեյսբուքյան օգտատեր Մարիաննա Զահրամանյանն ահազանգում է․ «Առավոտ մետրո։ Ոչ հայախոս այս անձինք նկարահանում են Հայաստանի ռազմավարական նշանակություն օբյեկտը։ Հեռախոսի օբյեկտիվը ուղիղ թունելի վրա էր, որով շարժվում էր վագոնը, նկարեց ամբողջ ընթացքը։ Նրանց ուղեկցում էր երրորդ անձը, որի նշանով եռյակը իջավ մետրոյի Հանրապետության հրապարակ կայարանում։

ՀԳ. Ուղեւորներից միայն մի կին սկսեց անհանգստանալ, թե ինչ եւ ինչու են նկարում։ Նույն վագոնում ոստիկանության համազգեստով ուղեւոր էլ կար»։

Auroranews-ի հետ զրույցում Երևանի մետրոպոլիտենի մամուլի խոսնակ Տաթև Խաչատրյանն ասաց, որ հրապարակումը տեսել են և զբաղվում են այս հարցով։