Հայտնի է Բաթումում հինգհարկանի շենքի մուտքի փլուզման հնարավոր պատճառը
Վրաստանի ՆԳՆ-ի տվյալներով, վերանորոգման աշխատանքներ են իրականացվել անվտանգության կանոնների կոպիտ խախտմամբ, ինչը, ամենայն հավանականությամբ, հանգեցրել է բազմաբնակարան շենքի մուտքերից մեկի փլուզմանը, «Սպուտնիկ Գրուզիա»-ն է հաղորդում: Բաթումում հինգհարկանի բնակելի շենքի մուտքի փլուզման կապակցությամբ ձերբակալել են երեք մարդու՝ առաջին հարկում գտնվող բնակարանի սեփականատիրոջը եւ երկու վարձու աշխատողներին, որոնք վերանորոգման աշխատանքներ էին կատարում: Նրանց սպառնում է երկուսից տասը տարի ժամկետով ազատազրկում։
Բաթումի մայիսի 26-ի փողոցում 5-հարկանի բնակելի շենքի մուտքերից մեկը փլուզվել է հոկտեմբերի 8-ին՝ ժամը 12: 00-ի սահմաններում: Զոհվել Է ինը մարդ, այդ թվում՝ երեք երեխա։ Վրաստանի վարչապետի որոշմամբ՝ հոկտեմբերի 11-ը Վրաստանում հայտարարվել է սգո օր։