Լեհաստանի եւ Բելառուսի սահմանին վիճակը շարունակում է մնալ գերլարված: Ինչպես արդեն հայտնել էինք Բելառուսից դեպի Լեհաստանի սահման է շարժվել միգրանտների բազմություն, որոշներին հաջողվել է անցնել պաշտպանիչ ցանկապատը: Լեհաստանի ԱԳՆ հայտարարել է, որ սա միգրանտների երկիր մուտք գործելու պատմության մեջ առաջին խոշոր դեպքն է:

Սահման են տեղափոխվել երկրի զինված ուժերը, որոնք առաջիկա 6 ժամերի ընթացքում բերվել են մարտական բարձր պատրաստվածության աստիճանի: Ներկա պահին սահմանի մոտ 12 հազար միգրանտ կա: Լեհաստանի վարչապետը հակաճգնաժամային խորհրդի նիստ է հրավիրել: