Օրվա լրահոս

Ճնշումների, վախեցնելու մասին կխոսեմ ավելի ուշ, որոշ մարդկանց անվտանգությունից ելնելով. քրեական պատասխանատվության ենթարկելու ճնշումների տակ, թիմակիցներից ոմանց անգամ հանել են ցուցակներից. դրա մասին հետո կխոսեմ: Այս մասին, այսօր՝ դեկտեմբերի 5-ին, Վանաձորում քվեարկությանը մասնակցելուց հետո լրագրողների հետ զրույցում ասաց քաղաքապետի թեկնածու, նախկին քաղաքապետ Մամիկոն Ասլանյանը:

«Բայց մեր թիմը վախեցող չի, իմ թիկունքին կանգնած է վանաձորցին: Ես այս պահին որեւէ քաղաքական ուժի հետ համագործակցություն բացառում եմ ու բացառելու եմ զուտ քաղաքական համագործակցության տեսակետից, որովհետեւ ես քաղաքական տրամաչափով չեմ մտել այս պրոցեիս մեջ: Մերը համայնքային քաղաքականություն է: Նույնիսկ եթե կան ուժեր, որոնք այս ընտրություններին չեն մասնակցում, ես իրենց հետ ունեմ համագործակցույթան եզրեր: Իմ քաղաքապետ եղած ժամանակ երբեք քաղաքական տարբերակումներով ոչ մարդիկ ընդունվել են, ոչ ազատվել են աշխատանքից: Ինձ զիջելու միակ տարբերակը զնդանում փակելն է, ես որեւէ մեկին որեւէ բան զիջելու բան չունեմ, էս քաղաքը աճուրդի, զիջելու առարկա չի, կուսակցականության առարկա չի»,-ասաց նա: Հարցին, թե ինչ կանի, եթե 50 տոկոսը չհաղթահարեն, Ասլանյանը վստահ արձագանքեց. «կհաղթահարենք»:

Մամիկոն Ասլանյանի խոսքով՝ անհեթեթ են պնդումները, թե թե քաղաքին սպասարկող «Կամազն» անսարք է, երբ չեն էլ պարզել, թե խնդիրն ինչից է, տեխնիկական փոքր հարց է, որը արագ կարող էին լուծել 5 օր խոսելու փոխարեն։ Ըստ նրա՝ շատ նորմալ է, որ երրորդ քաղաքն ունի ընդամենը երկու տեխնիկա, որովհետեւ Վանաձորի համար 2 տեխնիկան 6 ժամում կարողանում էր ամբողջ քաղաքը շրջել։

«Էդ ո՞նց է՝ մանկապարտեզի վարիչի պաշտոնը գիշերը աճուրդի են հանում, առավոտն արդեն նոր վարիչ կա: Պոլիկլինիկայի վարիչը դեռ չհանած՝ արդեն գիտեն, թե ում են նշանակում, իսկ քաղաքապետարանի կոմունալ բաժնի ղեկավարն ու տեղակալը արձակուրդում են, չէին մտածում, որ քաղաքում ձյուն է գալու, մի կամազի տեխնիկական խնդրի հարց չեն կարողացել լուծել»,-եզրափակեց նա։

 

Նշենք, որ Վանաձորը Հայաստանի երրորդ քաղաքն է, այստեղ ՏԻՄ ընտրություններին մասնակցում է 10 քաղաքական ուժ:

Վերջին նորություններ