Բախվել են Ford Focus-ն ու Toyota Vitz-ը, Ford-ն էլ տապալել է խաչմերուկը կարգավորող լուսակիրը ու բախվել ծառին
Ինչպես արդեն հայտնել էինք այսօր` հունվարի 4-ին, ավտովթար է տեղի ունեցել Երևանում։ Ժամը 19։00-ի սահմաններում Կոմիտասի պողոտա-Վրացական փողոցի խաչմերուկում բախվել են Երևանի բնակիչներ՝ 20-ամյա Էդվին Մ-ի վարած Ford Focus մակնիշի և 33-ամյա Վարդան Հ-ի վարած Toyota Vitz մակնիշի ավտոմեքենաները։
Ինչպես դեպքի վայրից հայտնում է shamshyan.com -ը, վթարի հետևանքով, ըստ նախնական տեղեկությունների, բարեբախտաբար, տուժածներ չկան, իսկ Ford-ը դուրս է եկել ճանապարհի երթևեկելի գոտուց, բախվել խաչմերուկը կարգավորող լուսակիրին, տապալել այն և մասամբ հայտնվել կանաչ գազոնում։ Օպերատիվորեն դեպքի վայր են ժամանել ՀՀ ոստիկանության պարեկային ծառայության Երևանի գնդի 1-ին գումարտակի 2-րդ վաշտի ավագ պարեկ Արտակ Մանուկյանն ու կրտսեր պարեկ Արթուր Թևոսյանը։ Վարորդները տեղում ենթարկվել են սթափության փորձաքննության,. եղել են սթափ։ Վթարի փաստով Ա. Մանուկյանի կողմից նյութեր են նախապատրաստվում։