ԱԺ նախկին պատգամավոր Արման Աբովյանը գրել է.

«Հայկական աշխարհաքաղաքական ուղու վրա ստեղծվող իրավիճակը թույլ է տալիս արձանագրել, որ տարածաշրջանում հայկական պետական և էթնիկ տարրի աստիճանական համահարթեցման մասին բոլոր կանխատեսումները թևակոխում են երրորդ՝ գործնական իրականացման, փուլ։

Հիշեցնենք.
Առաջին փուլը Հայաստանում լիբերտարիական, գլոբալիստական ուժերի իշխանության բերելն էր։
Երկրորդ փուլը Հայաստանի և Արցախի տարածքների  փաստացի զավթման  գործընթացն էր (ավելին, Արցախը թուրք-ադրբեջանական տանդեմին հանձնելու դրվագը մասամբ ստացվեց՝ պայմանավորված Ռուսաստանի և Իրանի տարածաշրջանային շահերի կտրուկ սեպվածությամբ Արցախի ամբողջական կործանման պանթուրանական ծրագրի մեջ)։
Այնուամենայնիվ, հիմա գալիս է Երրորդ փուլի ժամանակը, որը, հեղինակների կարծիքով, պետք է սկիզբ տա պանթուրանական տանդեմի կողմից Հայաստանի տնտեսական և քաղաքական կլանմանը։

Երրորդ փուլում գործընթացը շարունակվում է երկու կողմից, մասնավորապես.
Թուրքիան և Ադրբեջանը հայերի հետ աշխատում են «չար/բարի» ոստիկանի սխեմայով։
Թուրքիան այս սցենարում «լավ ոստիկանի» դեր է կատարում, այսինքն՝ չի գործադրում ուղղակի տեսանելի ճնշում հայերի վրա։

Այդուհանդերձ, Թուրքիան ավելի շատ խոսելու է տնտեսական օգուտների, խաղաղության և մնացած կեղծ քարոզչական կլիշեների մասին, որոնցով, ի դեպ, սիրում է գործել փաշինյանական կառավարությունը։
Ադրբեջանն այս դեպքում խաղում է «վատ ոստիկանի» դերը, որի դերը սահմանափակվում է միայն ուժային ճնշումների և մշտական ռազմական սադրանքների միջոցով հայ հասարակությանը շանտաժի ենթարկելով։
Առանձին-առանձին պետք է ընդգծել, որ, իմ կարծիքով, Հայաստանի ներկայիս անհեռատես և անգրագետ  իշխանությունները ԳԻՏԱԿՑՎԱԾ խաղում են թուրք-ադրբեջանական տանդեմի առաջարկած «խաղը», քանի որ Թուրքիայի և Հայաստանի իշխանությունների հռետորաբանությունն ու փաստարկները նույնական են։

Տեսեք, մի կողմից, հայկական իշխանությունները բառ առ բառ կրկնում են թուրքական փաստարկները իբր «խաղաղության և բարգավաճման» մասին՝ թուրքական սցենարով Թուրքիայի հետ դիվանագիտական և տնտեսական հարաբերություններ հաստատելու դեպքում (սա կարևոր է), մյուս կողմից՝ փաշինյնանական տեղեկատվական դաշտի «մարտիկները» մեզ կհամոզեն, որ թուրքերի հետ հարաբերությունների հաստատումը կօգնի Ադրբեջանին զսպել իրավիճակի սրումից։
Իշպաբությունների կոզմից այս երկու պոստուլատներն էլ կեղծ են և անհիմն, քանի որ տարածաշրջանում հայկական քաղաքական և էթնիկ տարրի աստիճանական ոչնչացման երրորդ փուլում թուրքերի վերջնական նպատակները չեն համապատասխանում դեկլարատիվ հայտարարություններին, որոնք անում է հայկական կողմը։

Իհարկե, Ռուսաստանը, Եվրոպան, ԱՄՆ-ը, Իրանը, Չինաստանը և արդեն որոշ ժամանակ է՝ Հնդկաստանը, նույնպես իրենց դերն ունեն աշխարհաքաղաքական այս բարդ խաղում,սակայն...։
Սակայն չպետք է խաբվել, եթե հայկական կողմը խաղա թուրքական կանոններով (և ի վերջո դա այդպես է), ապա Հայաստանի, Արցախի և ընդհանրապես հայերի վիճակը միայն կվատթարանա»։