Վրաստանում ռուսներին բանկային հաշիվներ բացելու համար առաջարկվել է «դատապարտել ռազմական հատուկ գործողությունը»
Վրաստանում գտնվող ռուսներին բանկային հաշիվներ բացելու համար առաջարկվել է «դատապարտել ռազմական հատուկ գործողությունը»: Այս մասին գրում է RTVI-ը:
Վրաստանի խոշորագույն մասնավոր բանկի՝ Bank of Georgia-ի կայքում հայտնվել է ծանուցում, ըստ որի ռուսաստանցիները կկարողանան բացել իրենց հաշիվները միայն փաստաթուղթ ստորագրելով։ Ստորագրվելիք տեքստն ունի հետևյալ տեսքը.
Ես դատապարտում եմ Ռուսաստանի ագրեսիան Վրաստանի և Ուկրաինայի դեմ,
Համաձայն եմ, որ Ռուսաստանը օկուպանտ է, որը 2008 թվականին ներխուժել է Վրաստան, իսկ 2014 և 2022 թվականներին՝ Ուկրաինա,
Ես աջակցում եմ Վրաստանի տարածքային ամբողջականությանը և ընդունում եմ, որ Աբխազիան և Սամաչաբլոն (Հարավային Օսիայի այլընտրանքային վրացական անվանումը) Վրաստան են,
Համաձայն եմ, որ չեմ տարածի ռուսական իշխանության քարոզչությունը և պայքարելու եմ դրա դեմ,
Ես հասկանում եմ, որ այս կանոնների ցանկացած խախտում կհանգեցնի իմ հաշվի չեղարկմանը:
Նրանց համար, ովքեր կհրաժարվեն ստորագրել այս թեզերը, բանկում հաշիվ չեն բացելու, պարզաբանում է InterpressNews-ի վրացական հրատարակությունը։
