Վլադիմիր Զելենսկին խնդրանքով դիմել է Իտալիային
Ռուս զբոսաշրջիկներին պետք է մշակութային հակահարված տալ, որպեսզի նրանք իմանան, որ իրենք ընդունելի չեն։ Նույնիսկ նրանք, ովքեր մարտի դաշտում չեն եղել, նրանք լռում են, նրանք կանգնած են իրենց քաղաքական ղեկավարության կողքին։ Այս մասին ասել է Զելենսկին՝ իտալական Rai 1 հեռուստաալիքի եթերում, Իտալիայի իշխանություններին հորդորելով պատժամիջոցներ կիրառել ռուս զբոսաշրջիկների համար։
Նա շնորհակալություն է հայտնել Եվրոպական համայնքին ռուս օլիգարխների ակտիվները արգելափակելու համար և ասել, որ հասարակ մարդիկ, ովքեր արձակուրդ են գալիս Եվրոպա, պետք է նույն ճնշումը զգան։
Արևմտյան մի շարք երկրներ Ուկրաինայում ստեղծված իրավիճակի պատճառով պատժամիջոցների մի քանի փաթեթ են ներկայացրել Ռուսաստանի Դաշնության դեմ։ Ռուսաստանի նախագահ Վլադիմիր Պուտինը հայտարարել է, որ Ռուսաստանի զսպման և թուլացման քաղաքականությունը Արևմուտքի երկարաժամկետ ռազմավարությունն է, և պատժամիջոցները լուրջ հարված են հասցրել ողջ համաշխարհային տնտեսությանը։
Նրա խոսքով՝ Արեւմուտքի գլխավոր նպատակը միլիոնավոր մարդկանց կյանքը վատթարացնելն է։ Նա հավելեց, որ ընթացիկ իրադարձությունները սահման են քաշում Արևմուտքի համաշխարհային գերակայության տակ թե՛ քաղաքականության, թե՛ տնտեսության մեջ: Նրա խոսքով՝ Ռուսաստանը չի պատրաստվում մեկուսանալ, չի կարող խստորեն մեկուսացված լինել ժամանակակից աշխարհում։
