Ռուսաստանի կազմում գտնվող Բուրյաթիայում փորձում են մարել անտառային հրդեհը: Բռնկված հրդեհն ընդգրկել է ավելի քան 400 հեկտար անտառային տարածք: Նախնական տվյալներով՝ հրդեհի պատճառը կրակի հետ անզգույշ վարվելն է։ Կրակի մարմանը մասնակցում է 237 մարդ, այդ թվում՝ հրշեջներ և անտառապահներ, ներգրավվել է 47 միավոր անտառային հրդեհային տեխնիկա։ 

Մարման աշխատանքները բարդացել է ուժեղ քամու պատճառով։ Հրդեհն հաջողվել է տեղայնացնել, այժմ փորձում են մարել։