«Ինտերի» գլխավոր տնօրենը հաստատել է` Մխիթարյանի հետ պայմանագիր է կնքվել

 Իտալիայի փոխչեմպիոն Միլանի «Ինտեր» ֆուտբոլային ակումբի գլխավոր տնօրեն Ջուզեպե Մարոտան հաստատել է, որ պայմանագիր է կնքվել ֆուտբոլիստ Հենրիխ Մխիթարյանի հետ։

 

«Կարող եմ հաստատել, որ մենք պայմանագրեր ենք կնքել Անդրե Օնանայի և Հենրիխ Մխիթարյանի հետ»,- ասել է Մարոտան, որի ասածը մեջբերել է հայտնի ինսայդեր Ֆաբրիցիո Ռոմանոն։

 

Տեղեկություններ կան, որ Մխիթարյանը Միլան կմեկնի հունիսի 21-ին և բուժզննում կանցնի ակումբում:

Հայ ֆուտբոլիստի և «Ռոմայի» միջև կնքված պայմանագրի ժամկետն ավարտվում է այս տարվա հունիսի 30-ին։

Հենրիխ Մխիթարյանը երեք մրցաշրջան է անցկացրել «Ռոմայում», իսկ մայիսի 25-ին թիմի հետ հաղթել է նոր եվրագավաթի՝ Կոնֆերենցիաների լիգայի առաջին խաղարկությունում։

Քաղաքականություն

Պատահարներ