Թենիսի մեծ սաղավարտն առանց ռուսների
Լոնդոնում տեղի է ունեցել Թենիսի մեծ սաղավարտի՝ «Ուիմբլդոնի» մրցաշարի վիճակահանությունը։ Տղամարդկանց մենախաղերի գործող չեմպիոն, սերբ Նովակ Ջոկովիչն առաջին մրցախաղը կանցկացնի հարավկորեացի Սուն Վու Կվոնի հետ: Աշխարհի երկրորդ ռակետ Ռաֆայել Նադալի առաջին մրցակիցը կլինի արգենտինացի Ֆրանսիսկո Չերունդոլոն: Երրորդ ռակետ, նորվեգացի Կասպեր Ռուդը կհանդիպի իսպանացի Ալբերտ Ռամոս-Վինոլասի հետ:
Ուիմբլդոնի քառորդ եզրափակչի հավանական զույգերը հետևյալն են.
Նովակ Ջոկովիչ (1) – Կառլոս Ալկարաս (5)
Կասպեր Ռուդ (3) — Հյուբերտ Հուրկաչ (7)
Մատեո Բերետտինի (8) – Ստեֆանոս Ցիցիպաս (4)
Ֆելիքս Օգեր-Ալիասիմե (6) – Ռաֆայել Նադալ (2)
Հիշեցնենք, որ ռուս մարզիկներին կազմակերպիչները թույլ չեն տվել մասնակցել մրցաշարին:
