ՏԵՍԱՆՅՈՒԹ. «Եթե մերկանային, զզվելի տեսարան կլիներ». Պուտինը` իր վերաբերյալ հումորի մասին
Ռուսաստանի նախագահ Վլադիմիր Պուտինը մեկնաբանել է G7-ի առաջնորդների հայտարարությունները, ովքեր ցանկանում էին մերկանալ կամ հանել բաճկոնը՝ «ավելի զիլ» տեսք ունենալու համար։
«Չգիտեմ՝ ինչպես էին ուզում մերկանալ՝ մինչև գոտկատեղը, թե գոտկատեղից ցածր, բայց կարծում եմ, որ ամեն դեպքում դա զզվելի տեսարան կլիներ։ Եթե հիշենք Պուշկինին, ես կարող եմ այդտեղ սխալվել բառերով, մանրամասներով, բայց, ըստ իս, նա ասել է, որ կարող եք խելամիտ մարդ լինել, բայց մտածեք ձեր եղունգների գեղեցկության մասին։ Ուստի, ես, անշուշտ, համաձայն եմ սրա հետ, մարդու մեջ ամեն ինչ պետք է ներդաշնակորեն զարգանա՝ և՛ հոգին, և՛ մարմինը», - ասել է Պուտինը։
Վերջինս նաև ուշադրություն է դարձրել այն հարցին, թե որքան կարևոր է առողջ ապրելակերպ վարել, զբաղվել ֆիզիկական կուլտուրայով և սպորտով, հրաժարվել ալկոհոլի չարաշահումից և այլ վատ սովորություններից՝ լուսանկարում և կյանքում լավ տեսք ունենալու համար։ Նրա խոսքով, G7-ին մասնակցող երկրների բոլոր ղեկավարներն անձամբ իրեն ճանաչում են, և ինքը վստահ է, որ ցանկության դեպքում նրանցից ցանկացածը կկարողանա հաջողության հասնել։
«Բոլոր այդ մարդիկ առաջնորդներ են, ունեն բնավորություն, և եթե ցանկանան, անպայման կհասնեն ցանկալի հաջողության։ Բայց պետք է աշխատեք ինքներդ ձեզ վրա: Եվ այն, որ խոսում են դրա մասին, լավ է, ես կգովեմ դրա համար»,- ասել է ՌԴ նախագահը։
