«Ճնշումը թույլ չի տալիս Երևանին համարձակ քայլեր ձեռնարկել». Չավուշօղլու
Թուրքիայի եւ Հայաստանի միջեւ հարաբերությունների կարգավորման գլխավոր խնդիրը Երեւանի իշխանությունների վրա ճնշումն է։
Այս մասին հայտարարել Է Թուրքիայի արտգործնախարար Մևլութ Չավուշօղլուն իր ավստրիացի գործընկեր Ալեքսանդր Շալենբերգի հետ Անկարայում կայացած հանդիպման ժամանակ։
Տեղեկատվությունը հայտնում են թուրքական լրատվականները:
Նրա խոսքով, պաշտոնական Անկարան հանդես է գալիս Երեւանի հետ երկխոսությունը շարունակելու օգտին եւ պատրաստ է աստիճանաբար առաջ տանել այդ գործընթացը:
«Ճնշումը թույլ չի տալիս Երեւանին համարձակ քայլեր ձեռնարկել կարգավորման ճանապարհին։ Մենք պատրաստ ենք կառուցողական երկխոսության։ Տարածաշրջանը երկարաժամկետ խաղաղության կարիք ունի», - ընդգծել Է թուրք նախարարը։
Չավուշօղլուն նշել է, որ Թուրքիան աջակցում է նաեւ Ադրբեջանի եւ Հայաստանի միջեւ հարաբերությունների կարգավորման գործընթացին:
