Օրվա լրահոս

Արցախի տարածքային կառավարման ու ենթակառուցվածքների նախարար Հայկ Խանումյանը Աղավնոյի բնակիչներին զգուշացրել է, որ մինչև օգոստոսի 25-ը պետք է լքեն Աղավնոն։ Այս մասին Tert.am-ին հայտնել է Արցախի Աղավնո գյուղի գյուղապետ Անդրանիկ Չավուշյանը։ «Նիկոլը վերացրել է բանակը ու հանել է վերջին զինվորին։ Բնակիչները իրենց դավաճանված են զգում, անտեր։ Մենք գիտեինք, որ այս օրը գալու է, բայց որոշակի հույսեր ունեինք։ Աչքի լույսով պահել ու պայքարել ենք, հիմա ժողովրդին դարձնում են ոչնչություն»,–ասել է Չավուշյանը։ Համայնքապետը հայտնեց, որ հայկական կողմը այս կերպ է վարվում, իսկ ադրբեջանցիներն էլ ասում են՝  ճանապարհը կառուցել, վերջացրել են, և իրենց խնդիրը չէ՝ հայկական կողմը կառուցել է, թե ոչ այլ ճանապարհ․ «Պահանջում են՝ պետք է հանձնել ճանապարհը և վերջ»,- ասել է Անդրանիկ Չավուշյանը։ Tert.am-ի հետ զրույցում Բերձորի համայնքապետ Նարեկ Ալեքսանյանն էլ հայտնել է, որ նույն որոշման մասին բերձորցիներին ևս Հայկ Խանումյանը հայտնել Է․«Ասել է,մինչև օգոստոսի 25–ը պետք է լքենք մեր տները, պետք է տարհանում սկսենք,հասկանանք ինչ է լինում»։ 

Վերջին նորություններ