Շառլ Միշելը կրկին հեռախոսազրույց է ունեցել Փաշինյանի և Ալիևի հետ
Եվրոպական խորհրդի նախագահ Շառլ Միշելը Հայաստանի և Ադրբեջանի ղեկավարների հետ հեռախոսազրույցների ընթացքում քննարկել է վերջին զարգացումները։
«Ես առանձին զանգեր եմ ունեցել նախագահ Ալիևի և վարչապետ Փաշինյանի հետ՝ տարածաշրջանում առկա վերջին զարգացումների վերաբերյալ», - գրել է նա։
Շառլ Միշելը թվիթերյան իր միկրոբլոգում գրել է, որ Բրյուսելում կայանալիք հաջորդ հանդիպման բանալին երկխոսությունը շարունակելն է։