Անհանգստացնող լուրեր. զինված բախումներ են ՀԱՊԿ անդամ 2 պետությունների միջև. Էդմոն Մարուքյան
Հատուկ հանձնարարություններով դեսպան Էդմոն Մարուքյանը ֆեյսբուքյան էջում անդրադարձել է ղրղզա-տաջիկական սահմանին սկսված զինված բախումներին՝ գրելով.
«Անհանգստացնող լուրեր ենք ստանում, որ ՀԱՊԿ անդամ Ղրղզստան-տաջիկական պետական սահմանի ողջ երկայնքով զինված բախումներ են ընթանում: Ղրղզստանի Բատկենի շրջանի իշխանությունները հայտնել են, որ վիրավորվել է 4 զինվոր։
Սահմանամերձ շրջաններից տեղի է ունենում բնակիչների տարհանում: Կարծում եմ, սա լավ նախադեպ չէ և պետք է ՀԱՊԿ անդամ պետությունները համախմբված լինեն միմյանց պաշտպանելու համար, մինչդեռ բախումները երկու անդամ պետությունների միջև են ընթանում:
Հուսով եմ, խնդրի արագ խաղաղ կարգավորում կգտնվի»:
Հիշեցնենք, որ Ղրղզստանի և Տաջիկստանի զինվորականների միջև զինված բախումներ են տեղի ունենում երկու երկրների սահմանի ողջ պարագծով:
Հաղորդվում է, որ Տաջիկստանի մեկ սահմանապահ է զոհվել, երեքը վիրավորվել են:
Նշենք, որ և՛ Ղրղզստանը, և՛ Տաջիկստանը ՀԱՊԿ անդամ երկրներ են: