ԱՄՆ նախագահ Ջո Բայդենի հայտարարությունը CBS-ին տված հարցազրույցում այն ​​մասին, որ CoViD-19 համավարակը ավարտվել է, զարմացրել է Սպիտակ տան առողջապահության ոլորտի պաշտոնյաներին։ Այդ մասին գրում է Politico-ն։
 

Հրատարակությունը նշում է, որ Բայդենի անսպասելի խոսքերը համավարակի ավարտի մասին զարմացրել են բժշկական հանրության մի շարք ներկայացուցիչների։ Սպիտակ տան երկու պաշտոնյաներ խոստովանել են, որ նրա նման խոսքերը նախատեսված չէին այս հարցազրույցում։

Դրանք հնչել են վերջին 28 օրվա ընթացքում  Covid-ից ավելի քան 12 հազար ամերիկացիների մահվան ֆոնին։ Այս տվյալները տրամադրել է Ջոնս Հոփկինսի համալսարանը։ Այս ընթացքում երկրում հայտնաբերվել է Covid-ի վարակման ավելի քան երկու միլիոն դեպք։

Ինչպես գրել է Life-ը, Բայդենը համաճարակի ելքի վերաբերյալ իր համոզմունքը բացատրել է նրանով, որ ոչ ոք այլևս դիմակներ չի կրում, ինչպես նախկինում։ Եվ, նրա կարծիքով, ամեն ինչ «լավ վիճակում է»։