Ապագա Երաժիշտը կյանքը տվել է հանուն հայրենիքի
Ֆեյսբուքյան օգտատեր Արմինե Դովլաթբեկյանը գրել է․
«Ապագա Երաժիշտը կյանքը տվել է հանուն հայրենիքի։
Անուն առ անուն։
Կարեն Գասպարյան
Թշնամու հարձակման ժամանակ իր կյանքը հանուն հայրենիքի նվիրաբերեց «Ռոմանոս Մելիքյանի անվան պետական երաժշտական քոլեջ»-ի Ժողովրդական գործիքներ բաժնի քաջարի ուսանող Կարեն Գասպարյանը:
«Հումորասեր». այսպես են բնորոշում ընկերները:
Կարենի վառ կերպարը, մարդկային բարձր հատկանիշները միշտ վառ կմնան մեր սրտերում։
Փա՛ռք մեր զինվորներին:
Կարեն Գասպարյանի հոգեհանգիստը տեղի կունենա սեպտեմբերի 20-ին, ժամը 17:00-ին 4-րդ գյուղի կենտրոնում գտնվող «Գյուղսովետ» կոչվող շենքում»։
Հիշեցնենք՝ ՀՀ Անվտանգության խորհրդի հայտարարության համաձայն` Ադրբեջանի զինված ուժերի լայնածավալ ագրեսիայի հետևանքով զոհվածների և անհետ կորածների թիվը հասնում է 207-ի, այդ թվում զոհվել է քաղաքացիական 3 անձ, 2 քաղաքացիական անձի գտնվելու վայրը համարվում է անհայտ, վիրավորվել է 293 զինծառայող, 7 քաղաքացիական անձ, գերեվարվել է 20 զինծառայող:
