Պետդումայի պատգամավորները երկրորդ և երրորդ ընթերցմամբ ընդունել են Ռուսաստանի Դաշնության Քրեական օրենսգրքում (ՔՕ) փոփոխություն կատարելու մասին օրենքը, որը պատասխանատվություն է սահմանում պատերազմի ժամանակ դասալքության, կողոպուտի, զենքի և ռազմական տեխնիկայի ոչնչացման, ինչպես նաև հանձնվելու համար։ Փաստաթուղթը համալրվել է «մոբիլիզացիա», «ռազմական դրություն» և «պատերազմական ժամանակ» հասկացություններով։    

Օրենքում կատարված այս փոփոխությունը տարընթերցումների տեղիք է տվել Ռուսաստանում բնակվող հանրության համար: Իրավաբան Ալեքսանդր Կարաբանովը Lente.ru-ին պարզաբանել է, որ համընդհանուր մոբիլիզացիա է հայտարարվում միայն այն ժամանակ, երբ երկիրը պատերազմի մեջ է։ Այս դեպքում զինվորական հաշվառված քաղաքացիները ծանուցագրեր են ստանում՝ նրանցից պահանջելով ժամանել զինկոմիսարիատ, որտեղ նրանց նշանակել են կոնկրետ զորամաս: 

«Ընդհանուր մոբիլիզացիա հայտարարվում է միայն այն ժամանակ, երբ երկիրը գտնվում է պատերազմական իրավիճակում»,- ընդգծել է Կարաբանովը։ Փաստաբանը ընդգծել է` այսինքն՝ ռազմական գործողության ժամանակ մոբիլիզացիա չի կարող իրականացվել։

Նրա խոսքով, Քրեական օրենսգրքում պատգամավորների ընդունած փոփոխություններն առավել խստորեն կկարգավորեն հատուկ ռազմական գործողության ընթացքում տեղի ունեցող գործընթացները։

Միաժամանակ, նոր նորմերի հիման վրա քրեական պատասխանատվության կենթարկվեն միայն այն անձինք, ովքեր արդեն երդում են տվել և վերաբաշխվել են զորամասերին։