Ձերբակալվել է Բերդի համայնքապետի ԺՊ Սամվել Հովսեփյանը. լրատվամիջոց
Ձերբակալվել է Բերդի համայնքապետի ԺՊ Սամվել Հովսեփյանը: Ոստիկանությունից Yerevan.Today –ին հայտնել են, որ Հովսեփյանն այսօր կանչվել է հարցաքննության Բերդի ոստիկանության բաժին, ապա ձերբակալվել է և փոխանցվել Իջևան ՔԿ վարչություն։
Ենթադրվում է, որ նրան ձերբակալել են ընտրական գործընթացին միջամտելու դեպքով հարուցված քրգործի շրջանակներում։
Բերդի գործող համայնքապետ Հարություն Մանուչարյանը կալանավորված է դեռ անցած տարվանից։ Նա սեպտեմբերի 25-ին անազատության վայրից վերընտրվեց իր պաշտոնում՝ ՔՊ թեկնածուի նկատմամբ հաղթանակ տանելով։