Քիչ առաջ մամուլում տեղեկություն տարածվեց, որ հոկտեմբերի 1-ին ժամը 07։20-ի սահմաններում Գյումրի քաղաքի «Երեխաների տուն» ՊՈԱԿ-ից ոստիկանության Մուշի բաժին ահազանգ է ստացվել, որ իրենց մոտ երեխա է մահացել։ Նշվում էր նաև Ոստիկանները պարզել են, որ մահացածը 2-ամյա Միշա Ա-ն էր։ 

Auroranews-ի հետ զրույցում Քննչական կոմիտեի լրատվության բաժնից հաստատեցին, որ նման դեպք է տեղի ունեցել։ Նաև նշեցին, որ երեխան առողջական խնդիրներ է ունեցել։ 

«Երեխային զոնդով են կերակրել, կենտրոնական նյարդային համակարգի խանգարում է ունեցել։ Երեխան իր բնական մահով է մահացել», - նշեց ՔԿ մամուլի քարտուղար Վարդան Թադևոսյանը։