«Ինչո՞ւ են ԵԱՀԿ-ին քարշ տալիս այնտեղ». Լուկաշենկոն` հայ-ադրբեջանական հարցի մասին
Բելառուսի նախագահ Ալեքսանդր Լուկաշենկոն քաղաքական խաղ է անվանել հայ-ադրբեջանական հակամարտության կարգավորմանը արևմտյան միջնորդների ներգրավումը։
«Խաղ է ընթանում։ Ես հասկանում եմ, թե ինչ խաղ է», - ասել է Բելառուսի նախագահը՝ Մինսկում ՀԱՊԿ գլխավոր քարտուղար Ստանիսլավ Զասի հետ հանդիպմանը։
«Ինչո՞ւ են Եվրամիությունը ներքաշել դրա մեջ: Ինչո՞ւ են ԵԱՀԿ-ին քարշ տալիս այնտեղ։ Դե, հասկանալի է, թե ինչու։ Ի՞նչ են անելու այնտեղ, եթե այնտեղ արդեն միջնորդ կա», - ասել է Լուկաշենկոն։
