Գերմանիայից հերքում են Էրդողանի հայտարարությունը
Գերմանիայի կառավարությունը հերքել է Ուկրաինայի հարցում Գերմանիայի կանցլեր Օլաֆ Շոլցի դիրքորոշման փոփոխության մասին Թուրքիայի նախագահ Ռեջեփ Թայիփ Էրդողանի խոսքերը։ Այս մասին հայտնում է Welt թերթը ՝ վկայակոչելով երկրի կառավարության ներկայացուցչին, փոխանցում է ՏԱՍՍ-ը։
«Զրույցի ընթացքում կանցլերը կրկնել է իր դիրքորոշումը, ըստ որի` հենց Ռուսաստանի նախագահը պետք է դադարեցնի այդ դաժան պատերազմը, դուրս բերի ռուսական զորքերը Ուկրաինայից եւ խաղաղ բանակցությունների մեջ մտնի Կիեւի հետ», — ասել է պարբերականի աղբյուրը:
Ավելի վաղ Էրդողանը հայտարարել էր, որ Գերմանիայի կանցլեր Օլաֆ Շոլցը փոխել է իր դիրքորոշումը Ռուսաստանի նախագահ Վլադիմիր Պուտինի նկատմամբ։ Նրա խոսքով՝ այժմ գերմանացի քաղաքական գործիչը կարծում է, որ Ռուսաստանի նախագահի հետ պետք է ընդհանուր լեզու գտնել։
