Վրաստանը չի կարող և չի էլ պատրաստվում ռազմական օգնություն ցուցաբերել Ուկրաինային: Այս մասին հայտարարել է երկրի խորհրդարանի «Վրացական երազանք» իշխող խմբակցության նախագահ Մամուկա Մդինարաձեն, գրում է РБК-ն:
 

Ավելի վաղ Վրաստանում Ուկրաինայի գործերի ժամանակավոր հավատարմատար Անդրեյ Կասյանովը հայտարարել էր, որ Կիևը բազմիցս դիմել է Թբիլիսիին՝ իրենց ռազմական կամ երկակի նշանակության սարքավորումներ տրամադրելու խնդրանքով։ Սակայն, Կասյանովի խոսքով, բողոքներն անտեսվել են։

«Վրաստանը լիարժեք և բացարձակ քաղաքական աջակցություն է ցուցաբերում Ուկրաինային։ Նա նաև հումանիտար օգնություն է տրամադրում իր հնարավորություններից դուրս, և մենք չենք կարող և չենք տրամադրելու ռազմական օգնություն»,- վրացի խորհրդարանականի խոսքերն է մեջբերում ՏԱՍՍ-ը։

Բացատրվում է, որ Վրաստանն ունի իր խնդիրները՝ ի դեմս Աբխազիայի և Հարավային Օսիայի, ուստի Թբիլիսին ռազմական աջակցություն չի ցուցաբերի։

Գարնանը Վրաստանի կառավարության ղեկավար Իրակլի Ղարիբաշվիլին հայտարարել էր, որ Վրաստանը մտադիր չէ միանալ Ռուսաստանի դեմ տնտեսական պատժամիջոցներին։ Դրանից հետո ուկրաինական իշխանությունները բազմիցս մեղադրել են Վրաստանին Ռուսաստանին աջակցելու մեջ՝ նրա դեմ կիրառված սահմանափակող միջոցները շրջանցելու համար։