«Արցախէներգո»-ի տնօրենը կոչով դիմել է արցախցիներին
Արդեն երկրորդ օրն է, որ Արցախում վերականգնվել է գազամատակարարումը, եւ բնականաբար, մենք աշխատում ենք առավելագույն ծանրաբեռնվածությամբ: Այս մասին նշել է «Արցախէներգո» ՓԲԸ գլխավոր տնօրեն Անդրանիկ Խաչատրյանը:
«Ուղղակի խնդրանք, պահանջ եւ կոչ, որ բոլորս գիտակցաբար եւ խնայողաբար վերաբերվենք էլեկտրաէներգիային, որպեսզի կարողանանք այս ստեղծված իրավիճակում քիչ վնասներով կարողանանք հաղթահարել ստեղծված ճգնաժամը»,-հավելել է նա:
Հիշեցնենք, որ ադրբեջանցի «բնապահպանները» դեկտեմբերի 12-ից փակել են Լաչինի միջանցքը: Սկզբում նրանք հայտարարում էին, որ ռուս խաղաղապահների պատասխանատվության գոտում գտնվող հանքավայրերի շահագործումն «ապօրինի է» և որ իրենց համապատասխան «մասնագետներին» պետք է թույլ տրվի այցելել շահագործման վայրեր և մշտադիտարկում անցկացնել: Սակայն այժմ նրանք պահանջում են Լաչինի միջանցքում ադրբեջանական մաքսակետ տեղադրել:
