ՏԵՍԱՆՅՈՒԹ․ Ես կցանկանայի գոյատևել Սուրբ Ծնունդը․ անհարմար զրույց՝ անօթևանի և Մեծ Բրիտանիայի վարչապետի միջև
Մեծ Բրիտանիայի վարչապետ Ռիշի Սունակը այցելել է անօթևանների ապաստարան և հյուրերից մեկին խորհուրդ տվել ուժերը փորձել բիզնեսում։ Ծննդյան տոների նախօրեին տեղի ունեցած անհարմար զրույցի կադրերը հրապարակել է Daily Mail-ը։
Տեսանյութում երևում է, թե ինչպես է Սյունակը, ով նախաձեռնել էր նախաճաշ բաժանել անօթևաններին, փորձում զրուցել հյուրերից մեկի հետ։
«Փորձու՞մ եք իմաստավորել տնտեսական իրավիճակը», -Սունակը հարցնում է անօթևան տղամարդուն։
Տղամարդը՝ «դա հենց այն էր, ինչ ես փորձում էի անել»:
Իր հերթին Սունակը զրուցակցին հարցրել է՝ բիզնեսո՞վ է զբաղվում։ Տղամարդը պատասխանել է, որ անօթևան է, բայց հետաքրքրված է բիզնեսով։
Սունակը նաև մանրամասնել է, որ իրեն ամենագրավիչն է թվում ֆինանսների ոլորտը։ Վարչապետը նշել է, որ ինքը ֆինանսիստ է և որոշել է ճշտել՝ բրիտանացին իրո՞ք տեսնում է իրեն այս ոլորտում։
«Այո, ես դեմ չէի լինի: Բայց, չգիտեմ, նախ ես կցանկանայի գոյատևել Սուրբ Ծնունդը»,- խոստովանել է նրա զրուցակիցը։
Ավելի վաղ հաղորդվել էր, որ Սունակը, ով հոկտեմբերին նշանակվել էր Բրիտանիայի վարչապետի պաշտոնում, պարզվել է, որ ավելի հարուստ է, քան թագավոր Չարլզ III-ը։