Ասկերանում խանութներն այս պահին դեռ մի կերպ բավարարում են բնակիչների պահանջները. Ապրեսյան
Ասկերանի շրջվարչակազմի ղեկավար Համլետ Ապրեսյանը, անդրադառնալով Ստեփանակերտ-Գորիս միջպետական ճանապարհի` արդեն 16 օր փակ լինելու հետևանքով տիրող իրավիճակին, նշել է, որ Ասկերանի շրջանի գյուղերում, որտեղ զբաղվում են գյուղատնտեսությամբ, ներկայում բավարար բանջարեղեն ու մրգեր ունեն, սակայն շրջկենտրոնում դրանց պակասն արդեն զգացվում է:
«Ասկերանում շաքարավազի, բանջարեղենի և մրգերի խնդիր ունենք: Ձավարեղեն չկա: Սպառման եզրին են ծխախոտն ու հիգիենայի պարագաները: Առկա ապրանքատեսակները շարունակվում են վաճառվել նախկին գներով։ Խանութներն այս պահին դեռ մի կերպ բավարարում են պահանջները, բայց այսպես տևական շարունակվելու դեպքում իրավիճակը կբարդանա», այս մասին «Արցախպրես»-ի թղթակցի հետ զրույցում նշել է Ապրեսյաը:
Նա ընդգծել է, որ ասկերանցիները հոժարակամ են ընդունել խնայողության ռեժիմի անցնելու գաղափարը:
