ՏԵՍԱՆՅՈՒԹ․ ԱՄՆ-ի ամենասարսափելի ձնաբուքը խլել է առնվազն 57 մարդու կյանք
ԱՄՆ-ի ամենասարսափելի ձնաբուքը խլել է առնվազն 57 մարդու կյանք: Այս մասին հայտնում է NBC News-ը։ Ինչպես նշում է հեռուստաալիքը, այս պահին ամբողջ երկրում ջերմաստիճանը կտրուկ նվազել է, իսկ հսկայական ձնահյուսքերը բարդացրել են ճանապարհորդությունը և փակել մարդկանց իրենց տներում:
NBC-ի տվյալներով՝ մահվան դեպքեր են գրանցվել 12 նահանգներում՝ Կոլորադո, Իլինոյս, Կանզաս, Կենտուկի, Միչիգան, Միսսուրի, Նեբրասկա, Նյու Յորք, Օհայո, Օկլահոմա, Թենեսի և Վիսկոնսին: Էրի շրջանի բժշկական փորձաքննության գրասենյակը հայտնել է, որ կոմսությունում 27 մահվան դեպքերն անմիջականորեն կապված են ձնաբքի հետ: Նրանք բացատրել են, որ շատերը մահացել են սրտի հետ կապված խնդիրներից՝ բահով ձյուն մաքրելիս, մնացածներին մահացած են գտել իրենց մեքենաներում։