Իսրայելի պաշտպանության նախարար Բենի Գանցը հայտարարել է, որ երկիրը բարելավել է Իրանի վրա հարձակվելու իր պատրաստականությունը՝ բացատրելով, որ նախապատրաստական ​​աշխատանքներ են տարվում միջուկային օբյեկտներին հարվածելու համար։ Այս մասին հայտնում է gazeta.ru կայքը՝ վկայակոչելով Bloomberg-ը։

Ռազմաօդային ուժերի օդաչուների ավարտական ​​արարողության ժամանակ նախարարն նշել է, որ մի օր նրանք կարող են մասնակցել նման հարձակման։

«Դուք կարող եք երկու-երեք տարվա ընթացքում հատել օդային սահմանը և մասնակցել Իրանի միջուկային օբյեկտների վրա հարձակմանը, որին մենք պատրաստվում ենք՝ միաժամանակ զգալիորեն բարձրացնելով պատրաստվածությունը վերջին տարիներին», - ասել է Գանցը:

«Լիկուդ»-ի առաջնորդ Բենիամին Նեթանյահուն ավելի վաղ հայտարարել էր, որ Իսրայելի նոր կառավարությունը կշարունակի աշխատել Իրանի միջուկային ծրագրի վերացման ուղղությամբ ՝ Թեհրանի կողմից միջուկային զենքի ստացումը կանխելու համար: Նրա խոսքով ՝ նոր կառավարությունը կաշխատի նաեւ Երուսաղեմի կարգավիճակի ամրապնդման եւ կրոնական հարցերում ստատուս քվոն պահպանելու ուղղությամբ: