Բայդենը Կոնգրեսի առջև հանդես կգա ուղերձով
ԱՄՆ նախագահ Ջո Բայդենը փետրվարի 7-ին հանդես կգա Կոնգրեսի երկու պալատներին ուղղված իր ամենամյա ուղերձով։ Այս մասին ուրբաթ կայացած հերթական ճեպազրույցում հայտարարել է Սպիտակ տան մամուլի քարտուղար Կարին Ժան Պիերը, գրում է ТАСС-ը:
«Մենք սիրալիր հրավեր ստացանք (Պալատի խոսնակ Քևին]) Մաքքարթիից, և նախագահն ընդունեց այն։ Նա անհամբերությամբ սպասում է երեքշաբթի` փետրվարի 7-ի իր ելույթին...»,- ասել է նա։
Ավելի ուշ գրավոր հայտարարության մեջ Ժան-Պիերն ասել է, որ Բայդենը մտադիր էր իր ելույթում դիմել «Հանրապետականներին, դեմոկրատներին և ողջ երկրին»: Ժան Պիերի խոսքով՝ իր ելույթի ընթացքում նախագահը կանդրադառնա տնտեսության ամրապնդմանը, աշխարհում ԱՄՆ-ի մրցունակության բարձրացմանը, բնակիչների անվտանգության ապահովմանը ու երկրի միասնությանը վերաբերող հարցերին։
Նախագահի՝ օրենսդիրներին ուղերձով դիմելու ավանդույթը ծնվել է ԱՄՆ-ում 1790 թվականի հունվարի 8-ին։ Այն սկսել է երկրի առաջին նախագահ Ջորջ Վաշինգտոնը։ Այնուհետեւ նա ելույթ է ունեցել Նյու Յորքում։ Երրորդ նախագահ Թոմաս Ջեֆերսոնը 1801 թվականին գրավոր ուղարկել է իր ուղերձը օրենսդիրներին, և այս պրակտիկան շարունակվել է մինչև 1913 թվականը, երբ Վուդրո Վիլսոնը որոշեց վերադառնալ հիմքերին:
Ուղերձի վերնագիրը՝ «Երկրիվիճակը», շրջանառության մեջ է դրվել 1935 թվականից հետո՝ նախագահ Ֆրանկլին Դելանո Ռուզվելտի ձեռքով։ Ամենաերկար ելույթը (89 րոպե) ունեցել է Բիլ Քլինթոնը, ամենակարճը (31 րոպե)՝ Ռոնալդ Ռեյգանը:
