«Ժամանակը կգա, հեռու չէ, բառացիորեն վաղը, կպահանջվի որոշել»․ Լուկաշենկո
Բելառուսի նախագահ Ալեքսանդր Լուկաշենկոն ասել է, որ Հավաքական անվտանգության պայմանագրի կազմակերպության անդամ երկրները պետք է միավորվեն, գործեն միասին և հույսը չդնեն «հանգիստ նստելու վրա»։ Տեղեկատվությունը փոխանցում է ՌԻԱ Նովոստին։
«Եթե ինչ-որ մեկը մտածում է, որ Ուկրաինայի և Ռուսաստանի միջև հակամարտությունը մեր հակամարտությունը չէ, որ մենք ինչ-որ տեղ հանգիստ կնստենք, նման բան չի լինի: Ժամանակը կգա, հեռու չէ, բառացիորեն վաղը, կպահանջվի որոշել։ Ես դա չեմ ասում ի վնաս ազգային շահերի և այլն։ Բայց մեր դաշնակցային բոլոր թերություններով հանդերձ՝ մենք պետք է հստակ սահմանենք մեր քաղաքականությունը, մեր գիծը, որպեսզի միասին գործենք։ Դա միշտ էլ ավելի հեշտ է։ Եվ ավելի հեշտ կլինի միասին»,- ասել է Բելառուսի նախագահը ՀԱՊԿ գլխավոր քարտուղար Իմանգալի Տասմագամբետովի հետ հանդիպմանը։
Լուկաշենկոն ընդգծել է, որ ՀԱՊԿ բոլոր անդամները պետք է միավորվեն և գործեն միասին։
«Մարտահրավերները բավականաչափ են, մենք մեր նախագահության ժամանակ ռիսկի ենք դիմել փորձել լուծել այս խնդիրները, որ ունենք։ Հատկապես ՀԱՊԿ անդամ երկրների սահմաններին։ Դուք լավ գիտեք և՛ Կովկասը, և՛ Կենտրոնական Ասիան։ Այնտեղ խնդիրներ կան, փորձենք դրանք լուծել և հնարավորինս համախմբել Հավաքական անվտանգության պայմանագրի կազմակերպությանը այս դժվարին ժամանակներում: Դուք տեսնում եք, թե ինչ է կատարվում շուրջբոլորը»,- ասաց Լուկաշենկոն։
