Դա իր համար կնշանակի վերջ և մահ բազմաթիվ բելառուսների համար. Լեհաստանի նախագահը` Լուկաշենկոյին
Բելառուսի նախագահ Ալեքսանդր Լուկաշենկոն պետք է հասկանա, որ իր երկրի մուտքն ուկրաինական հակամարտության մեջ իր համար կնշանակի «վերջ», քանի որ բելառուս ժողովուրդը, գրեթե ամբողջությամբ, դեմ դուրս կգա իրեն։ Այս մասին ուկրաինական «1 + 1» հեռուստաալիքին տված հարցազրույցում ասել է Լեհաստանի նախագահ Անջեյ Դուդան։
«Առաջինը, դա մահ կնշանակի բազմաթիվ բելառուսների համար, ովքեր չունեն մարտական փորձ և հանկարծ, վատ զինված, կբախվեն ուկրաինացիների հետ, ովքեր երկար տարիներ կռվում են և ունեն մեծ վճռականություն՝ պաշտպանելու իրենց հայրենիքը։ Երկրորդ՝ բելառուսները պատերազմող ազգ չեն և չեն ցանկանում կռվել։ Լուկաշենկոն քաջ գիտակցում է, որ դա իր համար կնշանակի վերջ, քանի որ ժողովուրդը, իմ կարծիքով, գործնականում իր դեմ դուրս կգա ամբողջ ուժով»,- ասել է Դուդան։
Նրա կարծիքով, Լուկաշենկոն իր հայտարարություններով, թե Լեհաստանը հավակնում է Բելառուսի և Ուկրաինայի տարածքին, փորձում է հրահրել ժողովուրդներին միմյանց դեմ։
«Սա ամբողջ ռուսական քարոզչությունն է, որի հետ մենք գործ ունենք արդեն մի քանի տարի։ Լեհաստանը երբեք որևէ պահանջ չի ներկայացրել որևէ մեկի դեմ։ Մենք ցանկանում ենք ապրել խաղաղության և հանգստության մեջ»,- եզրափակել է Լեհաստանի նախագահը։
