Մի խումբ լրագրողների հասանելի է դարձել Ռուսաստանի իշխանությունների ներքին փաստաթուղթը, որը կոչվում է «Ռուսաստանի Դաշնության ռազմավարական նպատակները Բելառուսի ուղղությամբ», ըստ որի Կրեմլը նախատեսում է մինչև 2030 թվականը լիովին վերահսկել Բելառուսի քաղաքականությունը, տնտեսությունը և ռազմական ներուժը, այս մասին գրում է Meduza-ն` վկայակոչելով Dossier center-ին։

Պլանը մշակվել է 2021թվականին: Փաստաթղթում կա ընդամենը 17 էջ, որտեղ շարադրված են Բելառուսի իշխանությունների քաղաքական, պաշտպանական, առևտրային և սոցիալական նպատակները։ Դրանք բաժանվում են կարճաժամկետ (մինչև 2022թ.), միջնաժամկետ (մինչև 2025թ.) և երկարաժամկետ (2030թ.) փուլերի:

Այսպիսով, մինչև 2030 թվականը Ռուսաստանի իշխանություններն ակնկալում են Բելառուսի օրենսդրությունը հարմարեցնել ռուսերենին, վերահսկել հանրապետության արտաքին քաղաքականությունը և կառավարել այն՝ ելնելով Ռուսաստանի Դաշնության շահերից, մեծացնել ռազմական ներկայությունը երկրում, հպատակեցնել տեղեկատվական տարածքը։ ՌԴ-ն ձգտում է հասնել ռուսաց լեզվի գերակայությանը բելառուսերենի նկատմամբ, ինչպես նաև ներդնել Բելառուսի քաղաքացիներին ռուսական անձնագրերի տրամադրման պարզեցված ընթացակարգ:

Ռուսաստանի իշխանությունները պատրաստվում էին կյանքի կոչել իրենց ծրագրերը, այդ թվում՝ Միութենական պետության մասին համաձայնագրի միջոցով, որը ստորագրվել էր Ռուսաստանի և Բելառուսի ղեկավարության կողմից դեռևս 1999 թվականին։ Դրա շուրջ բանակցությունները ձգձգվել են երկու տասնամյակ: