Ապրիլի 14-ին Ֆրանսիայի Սահմանադրական խորհուրդը օրինական է ճանաչել կենսաթոշակային բարեփոխումները։ Այսպիսով, հաստատվել է կենսաթոշակային տարիքի բարձրացումը։ Այս մասին հայտնում է BFM-ը։

«Սահմանադրական խորհուրդը հաստատել է թոշակի անցնելը 64 տարեկանում»,- գրել է  լրատվամիջոցը՝ թվիթերյան իր էջում։
 

Թեմայի շուրջ հանրաքվե անցկացնելու ձախակողմյան կուսակցությունների պահանջը մերժվել է։

Վախենալով հնարավոր անկարգություններից՝ Փարիզի ոստիկանական պրեֆեկտուրան արգելել է ցանկացած ցույցի անցկացում դատարանի շենքի մոտ, որի մուտքն արդեն հինգշաբթի առավոտյան լցված էր աղբով։ Այնուամենայնիվ, ուրբաթ  Փարիզում և ամբողջ Ֆրանսիայում իշխանությունների կողմից ավելի քան 130 բողոքի ակցիա է սպասվում:
 

Ֆրանսիայի «Ազգային միասնություն» կուսակցության խորհրդարանական խմբակցության ղեկավար Մարին Լը Պենն առաջիններից էր, ով քննադատեց դատարանի որոշումը։ Twitter-ի իր միկրոբլոգում նա գրել է, որ «կենսաթոշակային բարեփոխումների քաղաքական ճակատագիրը որոշված ​​չէ»։

Կենսաթոշակային տարիքը բարձրացնելու մասին օրենքը մարտի 16-ին ընդունվել է խորհրդարանում առանց քվեարկության։ Հաջորդ օրը ընդդիմադիր LIOT խմբավորումն առաջ քաշեց կառավարությանն անվստահություն հայտնելու հարցը։ Ֆրանսիայի տարբեր քաղաքներում զանգվածային բողոքի ցույցեր են տեղի ունեցել։
 

Բարեփոխումը ենթադրում է կենսաթոշակային տարիքի բարձրացում 62-ից մինչև 64 տարեկան։ Կենսաթոշակային ժամկետը 2023 թվականի սեպտեմբերի 1-ից աստիճանաբար կաճի և 2030 թվականին կհասնի 64 տարվա։