Եկեք վերստին խոստանանք երբեք չմոռանալ. ԱՄՆ փոխնախագահը` Հայոց ցեղասպանության մասին
Միացյալ Նահանգների փոխնախագահ Քամալա Հարիսն իր հարգանքի տուրքն է մատուցել Հայոց ցեղասպանության զոհերի հիշատակին՝ կոչ անելով մշտապես հանդես գալ ընդդեմ ատելության և երբեք չմոռանալ կատարվածը։ Այս մասին նա գրել է թվիթերյան իր էջում:
«Այսօր մենք հարգանքի տուրք ենք մատուցում Հայոց ցեղասպանության ժամանակ կորսված 1,5 միլիոն կյանքերի հիշատակին։ Անդրադառնալով պատմության այդ ցավալի դրվագին՝ եկեք վերստին խոստանանք երբեք չմոռանալ և հանձնառու լինենք խոսել ընդդեմ ատելության՝ իր բոլոր դրսևորումներով»,- շեշտել է ԱՄՆ փոխնախագահը։