Ադրբեջանում նեղսրտել են «Նեմեսիս» գործողությանը նվիրված արձանի բացման համար
Ադրբեջանի ԱԳ նախարարությունը անդրադարձել է Երևանում բացված «Նեմեսիս» գործողությանը նվիրված արձանի բացման արարողությանը և մեղադրանքներ հնչեցրել Հայաստանի հասցեին։
«Հայաստանի համապատասխան պետական կառույցների թույլտվությամբ և հաստատմամբ այս հուշարձանի պատրաստումը, ինչպես նաև ՀՀ փոխքաղաքապետի և իշխող կուսակցության անդամ այլ պաշտոնյաների՝ բացման արարողությանը մասնակցելը Հայաստանի կողմից քաջալերանք է ահաբեկչության քաղաքականությունը և նրա կողմից կատարված ահաբեկչական գործողությունների քարոզչությանը», - ասված է հայտարարության մեջ։
Հիշեցնենք` երեկ Երևանում բացվել է «Նեմեսիս» գործողության հերոսների հիշատակը հավերժացնող աղբյուր-հուշակոթող:
