Անհեթեթ և անհիմն մեղադրանքներ են. Թրամփ
Ամերիկայի նախկին նախագահ Դոնալդ Թրամփն անհեթեթություն և Սպիտակ տան կողմից լիազորությունների չարաշահման օրինակ է անվանել իրեն առաջադրված մեղադրանքները գաղտնի պետական փաստաթղթերի հետ գործ ունենալու համար։
«Արդարադատության նախարարության կողմից ինձ ուղղված անհեթեթ և անհիմն մեղադրանքը, որը զենք է դարձել ԱՄՆ նախագահ Ջո Բայդենի վարչակազմի ձեռքում, մեր երկրի պատմության մեջ կմնա որպես իշխանության չարաշահման ամենասարսափելի օրինակներից մեկը»,- ասել է նա՝ ելույթ ունենալով Ջորջիայում Հանրապետականների համագումարում, հայտնում են ամերիկյան լրատվամիջոցները։
Նրա կարծիքով՝ ԱՄՆ արդարադատության նախարարությունը Հանրապետական կուսակցությանը վերաբերվում է «միանգամայն այլ կերպ, քան դեմոկրատներին»։
Թրամփն ասել է, որ ինքը «թաքցնելու ոչինչ չունի» և որ քննիչներին թույլ է տվել ուսումնասիրել նրանց հետաքրքրող փաստաթղթերը։