Հայկական ԶՈՒ տեղաշարժի վերաբերյալ տարածվող տեսանյութը նկարել է բլոգեր Միկա Բադալյանի կինը
Համացանցում հայկական ԶՈՒ տեղաշարժի վերաբերյալ տարածվող տեսանյութը, որն ակտիվորեն շրջանառվում է նաև ադրբեջանական մեդիատիրույթում, տեսանկարահանել է բլոգեր Միկա Բադալյանի կինը։ Ըստ Auroranews-ին հասած տեղեկությունների՝ կինը ռուսաստանի քաղաքացի է։ Տարածվող տեսանյութում լսվում է, որ ավտոշարասյան վարորդներից մեկը նույնիսկ բղավում է՝ «մի նկարիր», սակայն անարդյունք։
Նշենք, որ ցանկացած նման տեսանյութի տարածումը թշնամին օգտագործում է մեր դեմ և փորձում իր սադրանքներն արդարացնել։
Հիշեցնենք՝ ավելի վաղ ՀՀ քննչական կոմիտեն հայտնել էր, որ ապօրինի կերպով զենք-զինամթերք ձեռք բերելու, պահելու և իրացնելու կասկածանքով Սյունիքում 7 անձ է ձերբակալվել, այդ թվում՝ բլոգեր Միկա Բադալյանը և Sputnik Արմենիա ռադիոյի աշխատակից Աշոտ Գևորգյանը։