Ինդոնեզիայի Սումատրա կղզում հորդառատ անձրևը ջրհեղեղի և սողանքների պատճառ է դարձել։ Արդյունքում առնվազն 12 մարդ անհետ կորել է, հայտնել են պաշտոնյաները։

Ամենաշատը տուժել է Հյուսիսային Սումատրա նահանգի Սիմանգուլամպե գյուղը, հայտնել է տեղական որոնողափրկարարական գործակալության ղեկավար Բուդիոնոն։ Մի քանի մարդ ողջ-ողջ թաղվել է տոննաներով ցեխի տակ։

Սակայն օգնության տրամադրումը բարդանում է ցեխով, բեկորներով ու հսկա ժայռերով պատված փակ ճանապարհներով։ Փրկարարները շարունակում են անհետ կորածների որոնումները։ Վնասվել է առնվազն 12 տուն, եկեղեցի, դպրոց և հյուրանոց, ինչի հետևանքով մոտ 50 ընտանիք տեղահանվել է։