Մոսկվայի Բասմանի դատարանը այսօր կալանավորել է «Կրոկուսի» ահաբեկչության գործով 11-րդ կասկածյալին՝ Մուհամմադ Զաքիր Շարիպզոդուին։ Այս մասին հայտնում է ՌԻԱ Նովոստին:

Հաղորդվում է, որ Շարիպզոդուն ծնունդով Տաջիկստանի Հանրապետությունից է, մեղադրվում է «ահաբեկչական գործողություն կատարելու» հոդվածով:

Հիշեցնենք` մարտի 22-ին Մոսկվայի շրջանի «Կրոկուս Սիթի Հոլ»–ում համերգից առաջ հրաձգություն է եղել, այնուհետև հրդեհ է բռնկվել: Տուժածների թիվը հասել է 360–ի (այդ թվում` 11 երեխա), զոհերինը` 144–ի։