Այսօր ավելի վաղ հայտնել էինք Արարատի մարզի Գետափնյա գյուղի մոտ գտնվող կամրջի մասնակի փլուզման մասին։

Փլուզման հետևանքով կամրջի երթևեկությունը դադարեցվել է։

Auroranews-ին Ճանապարհային դեպարտամենտից հայտնեցին,որ կամուրջը մարզային նշանակության ճանապարհի մի մասին է:

Արարատի մարզպետարանը հաղորդագրություն է տարածել․

«Հարգելի քաղաքացիներ, տեղեկացնում ենք, որ Տ-2-15 «/Տ-2-13/ (Գեղանիստ) – Գետափնյա – Ղուկասավան – Դարակերտ (Տ-2-3)» մարզային նշանակության ավտոճանապարհի կմ0+400 հատվածի՝ Հրազդան գետի կամուրջը մասնակի վնասման հետևանքով ժամանակավորապես փակ է, ինչի հետևանքով հորդորում ենք օգտվել այլընտրանքային ճանապարհներից։

Նշենք, որ այս պահին ընթացքի մեջ է կամրջի հիմնանորոգման համար նախագծանախահաշվային փաստաթղթերի ձեռքբերման գործընթացը»,- ասվում է հաղորդագրության մեջ։