ԵՄ-ն ցանկանում է ռուսական սառեցված ակտիվներից եկամուտներ փոխանցել Ուկրաինա։

Այս մասին հայտարարել է Կիևում Եվրամիության դեսպան Կատարինա Մատերնովան։

Նրա խոսքով՝ դա կարող է տեղի ունենալ 2024 թվականի վերջին։ Իսկ խնդրո առարկա եկամտի չափը գնահատվում է 3 մլրդ եվրո։

 G7 երկրները հրաժարվել են ռուսական ակտիվների ամբողջական առգրավման գաղափարից։ Ուրիշների փողերը վերցնելու ԵՄ երկրների դժկամության հիմնական պատճառը «պատասխան միջոցների վախն էր»։